Раъно Мубориз

Ё Мавлочўн

Ё хир чинов мунир, ё Мавлочўн,

Ё тут хубасик ку хир, ё Мавлочўн,

Рахгум дъийумат, ту нур во рух дъид мурд,

Фукчонди му дастгир, ё Мавлочўн.

Ё нури Худо, вузум ачаб ѓарќи гунох,

Сад баххихи мурдата, кинум во хатто.

Ё Мавлочўн, ху рахматик макин кам,

Шохат туята вузум ту мулканди гадо.

Маш чўн дарун ту живчахик афзун вид,

Дар ишќи ту фук му рангтир мафтун вид.

Дидорум чуд ху сатикум соф тухна,

Ё Мавлочўн, йидик ку чиз афсун вид?

Ё хир чинов мунир, ё Мавлочўн,

Нист ас ту чихўнти тир, ё Мавлочўн.

Ас нури ту фук му гаргинуха рух сут,

Тут хо хубасик ку хир, ё Мавлочўн!